Средба со претставник на Мисијата на ОБСЕ

Претседателот на Судскиот совет на Република Северна Македонија м-р Александар Камбовски на ден 08.05.2025 година оствари средба со г. Умер Ал-Катиб, раководител на Одделот за човекова димензија при Мисијата на ОБСЕ во Скопје.

На средбата се разговараше  за тековните предизвици во правосудниот систем и за можностите за понатамошна поддршка и соработка во насока на зајакнување на финансиската независност на судството,  транспарентноста и отчетноста, со посебен осврт на реформските процеси во судството  и усогласувањето со европските стандарди.

Двете страни ја истакнаа важноста од континуиран дијалог и партнерство за зголемување на  транспарентноста и зајакнување на довербата  во  Судскиот совет .