Претседателот на Судскиот совет на Република Северна Македонија м-р Александар Камбовски оствари средба со амбасадорот на Република Турција, Фатих Улусој. На средбата на која присуствуваше и заменик претседателот на Советот Аритон Ала се разговараше за унапредување на соработката меѓу двете држави во областа на правосудството.

Амбасадорот изрази подготвеност за натамошна соработка, поддршка и помош во процесот на реформи во правосудниот систем.

Судскиот совет се заблагодари за досегашната помош и интересот за натамошно зајакнување на институционалната соработка меѓу двете земји.