СООПШТЕНИЕ

Судскиот буџетски совет (СБС) известува дека на 254-та седница одржана на ден 27.08.2025 година во рамките на своите законски надлежности согласно Законот за судски буџет усвои:

1. Одлука за необезбедување средства за исплата на додатоци на плата за месец август 2025 година за судските службеници, поради започнат изборен процес за локални избори;

Одлука за необезбедување средства за исплата на додатоци на плата за месец август 2025 година за судиите и членовите на Судски совет на РСМ, поради започнат изборен процес за локални избори;

2. Усвои Буџетски циркулар за 2026 година за раздел 29010-Судска власт, составен од Образложение на буџетски циркулар, Годишен план за вработување за 2026 година во судовите, Годишен план за вработување во ССРСМ за 2026 година, Годишен план за вработување во Академијата за судии и јавни обвинители за 2026 година и Стратешки план за периодот 2025-2028 година.

- Стручната служба на СБС е задолжена да ги внесе податоците од буџетскиот циркулар во веб апликацијата на Министерството за финансии е-циркулар.

3. Го разгледа прашањето за начинот на постапување на СБС во однос на исплата на обврски по права од работен однос и постапки за нови вработувања по различен основ, по донесувањето на Решението на Претседателот на Собранието на Република Северна Македонија за распишување на избори за членови на советите на општините и Советот на Градот Скопје и за градоначалници на општините и за Градоначалник на Градот Скопје бр.09-4408/1 од 09.08.2025 година, по што усвои: Заклучок за постапување на единките корисници на судската власт за времетраење на локалните избори 2025 година.

Во рамки на точката разгледа барање од Основниот граѓански суд Скопје за преземање на судски службеник од Основниот суд Кочани, по што усвои заклучок истото повторно да се разгледува по завршување на изборите.

4. Под точка Разно:

- Судскиот буџетски совет разгледа Известување од Министерство за финансии дека не се обезбедени финансиски средства за бараните вработувања на определено време во судството.